Jóladrykkjuvísa

Jahá.  Samkvæmt áhugaverðri grein Péturs Gunnarssonar rithöfundar hefur afi minn rangt fyrir sér.  Afi, sem alinn er upp i torfbæ í Skagafirði, hefur árum saman haldið því fram að syngja ætti "Upp á hól, stend ég og kanna" en samkvæmt Pétri er útbreiddari útgáfan "upp á stól, stendur mín kanna" sú rétta.  Afi, sem annars er hafsjór af fróðleik um svona hluti, virðist ekki hafa vitað að könnustóll hefði verið til, notaður undir ölkönnur á fyrstu öldum Íslandssögunnar.

Höfum við verið að syngja forna drykkjuvísu með börnunum?  Hvaða merking er í setningunni "níu nóttum fyrir jól þá kem ég til manna"?  Sátu menn að öldrykkju en komu aftur til manna 9 dögum fyrir jól?

 

Athugasemdir

[Börkur Gunnarsson, 22.12.2006 kl. 11:58]

Hvað er verið að reyna að skynsemisvæða svona gamlar vísur - þeir voru allir fullir þegar þeir sömdu þetta en þetta hljómar ágætlega í eyrum einsog vitleysan gerir jafnan betur en vitra manna ráð.