Spielberg hefur reynt við Tinna áður

Þetta er ekki í fyrsta sinn sem Spielberg hefur áhuga á því að gera mynd um Tinna. Árið 1982 reyndi Spielberg að komast yfir réttinn til þess að gera mynd byggða á ævintýrum Tinna og studdi Hergé Spielberg í þeirri viðleitni. En þegar Spielberg sá drög að fyrsta handritinu, sem Melissa Matheson skrifaði, hætti hann við að leikstýra og ákvað að framleiða myndina í staðin. Leitað var til nokkurra leikstjóra og á endanum var talað við Roman Polanski. Hann hafði lengi haft áhuga á því að leikstýra mynd byggðri á sögunni "Veldissproti Ottókars konungs" en því miður varð aldrei neitt af þeirri mynd.

Sagan segir síðan að Spielberg hafi skrifað eigið handrit og sent Hergé. Hergé hafi hinsvegar þótt það of Hollywoodlegt og hafnað því. Í staðin gerði Spielberg myndirnar um Indiana Jones sem lukkuðust stórvel, eins og allir þekkja.

Nú er bara að bíða og sjá hvort þessi atlaga að Tinna lukkist betur hjá Spielberg.

Spielberg og Jackson boða myndir um Tinna

Athugasemdir

[Sigurgeir Orri Sigurgeirsson, 15.5.2007 kl. 15:49]

Það er nýbúið að gera mynd sem er mikið byggð á Tinna, Föngunum í sólhofinu. Hún heitir Apocalypto. Svo er Indiana Jones í raun Tinni. Ánægjulegt að nú eigi að gera myndir sem ekki eru spinoffs og eftirlíkingar.