Konan sem breyttist í brjóst?

Einhver óvæntasti fréttaviðburður ársins hófst á símtali frá hóteli í Los Angeles þegar lögreglukona hringdi eftir læknisaðstoð og sagði:

„She's not breathing, and she's not responsive. She's, um, actually Anna Nicole Smith."

Þá hófst fjölmiðlasirkusinn sem ekki sér fyrir endann á. Núna klukkan 22 á þriðjudegi eru þrjár mest lesnu fréttirnar á Mbl.is um Önnu Nicole Smith. Og manneskja sem var flestum gleymd fyrir viku síðan er skyndilega orðin brjóstumkennanlegasta fréttaefni ársins.

Ég fékk mikil viðbrögð þegar ég skrifaði frétt um hana í Morgunblaðið í ársbyrjun 1995. Þá var ég að byrja í blaðamennsku. Hún hafði gifst níræða auðkýfingnum J. Howard Marshall um sumarið, aldursmunurinn hvorki meira né minna en 62 ár. Þau fögnuðu jólunum saman og fjölmiðlar náðu af því mynd þegar hann fékk jólagjöfina sína. Hún klæddi sig nefnilega úr nærbuxunum og afhenti gamla manninum. Það leyndi sér ekki á svipnum hvað hann varð spenntur og glaður.

Og það er forvitnilegt í ljósi mögulegrar dánarorsakar Önnu Nicole Smith, sem kann að hafa dáið vegna fylgikvilla brjóstaaðgerðar, að Morgunblaðið greinir frá því fyrir um áratug að Anna Nicole Smith haft sagt um brjóstin á sér: "Ég á þeim allt mitt að þakka". Þetta minnir óneitanlega á Litlu hryllingsbúðina, þar sem blómið endar á því að éta velgjörðarmenn sína.

Með skemmtilegri skáldsögum er The Breast eða Brjóstið. Það er paródía af Hamskiptunum og í stað þess að vakna upp sem bjalla eða „skelfilegt skorkvikindi" eins og Gregor Samsa, þá breytist maður í brjóst með öllum þeim ógnum, furðum og unaði sem því fylgir. 

Það getur auðvitað ekki endað vel, ekki frekar en hjá Önnu Nicole Smith.  

Upptaka af símtali hjúkrunarkonu Smith við neyðarlínu gerð opinber

Athugasemdir

[Eiríkur Kjögx (IP-tala skráð) 14.2.2007 kl. 12:14]

Það er nú meira hvað sumar eru alltaf að rífa sig úr nærbuxunum. Ég hef aldrei skilið þetta atriði.

[Karl Pétur Jónsson, 14.2.2007 kl. 23:40]

Saga Önnu Nicole Smith er ein sú mergjaðasta sem maður hefur heyrt. Það er ekki hægt að semja svona sögur. Allavega myndi enginn kaupa skáldsögu með þessum söguþræði. Þessvegna erum við að lesa þessar fréttir, Pétur minn. Sögur af fólki selja, sögur af breysku fólki eru bestar.