NOKKRAR MIKILVÆGAR STAÐREYNDIR UM CHUCK NORRIS

- Chuck Norris getur skellt vængjahurð.

- Þegar Chuck Norris gerir armbeygjur, lyftir hann ekki búknum upp, hann ýtir jörðinni niður.

- Það tekur Chuck Norris 20 mínútur að horfa á "60 mínútur".

- Þrjár helstu dánarorsakirnar í Bandaríkjunum eru: 1. Hjartasjúkdómar 2. Chuck Norris 3. Krabbamein.

- Chuck Norris hefur talið upp á óteljandi - tvisvar.

- Það eru engin gjöreyðingavopn í Írak, Chuck Norris býr í Oklahoma.

- Chuck Norris getur deilt með núlli.

- Chuck Norris gengur ekki með klukku. HANN ákveður hvað klukkan er.

- Þegar Chuck Norris spilar körfubolta skoppar boltinn sjálfur af ótta.

- Chuck Norris bíður hratt.

- Ef Chuck Norris fellur í á, blotnar hann ekki, áin verður Chuck Norris.

- Sumir eiga Superman náttföt. Superman sefur í Chuck Norris náttfötum.

- Chuck Norris les ekki bækur heldur starir á þær þar til hann hefur fengið sitt.

- Heima hjá Chuck Norris eru engar dyr, aðeins veggir sem hann gengur í gegnum.

- Þróunarkenningin er bara kenning. Á jörðinni lifa þær verur sem Chuck Norris hefur leyft að lifa.

- Grasið er alltaf grænna hinummegin, nema auðvitað að Chuck Norris hafi verið þar, þá er það rautt.

- Ef þú gúgglar "Chuck Norris getting his ass kicked" færðu upp 0 síður.

(http://www.chucknorrisfacts.com/)

 

Þýðing: Huldar Breiðfjörð

Athugasemdir

[Gunnar Helgi Eysteinsson, 15.12.2006 kl. 12:02]

Þetta var þrælfyndið.

[Jórunn Sigurbergsdóttir , 15.12.2006 kl. 12:59]

Segi sama og Gunnar. Ég er með spurningu. Er einhver einn ykkar sem skrifar undir nafninu Krummi? 

[Lárus Blöndal, 15.12.2006 kl. 14:35]

Sannir Chuck Norris aðdáendur eiga erfitt með að taka því að það sé gert grín að honum. Ég man enn hvað það var sárt þegar Chuck Norris laut í gras fyrir Bruce Lee í myndinni "Way of the Dragon (1972)". En hann stóð upp og hefur átt glæstan feril síðan.

[akj (IP-tala skráð) 15.12.2006 kl. 21:58]

ég get nú ekki séð að þarna sé verið að gera grín að Chuck. Hann er bara hylltur, en þegar slíkt er gert og farið að blanda fleiri kempum í máli finnst mér skammarlega framhjá kappanum hárprúða, skartmanni sem líklega á jafngott jakkasafn og Helgi Laxdal, mannvininum eina Steven Seagal

[Krummi, 16.12.2006 kl. 01:41]

Svo spurningu þinni sé svarað Jórunn, þegar krummi talar þá er það í nafni lestrarfélagsins Krumma, gjarnan um tíðindi sem eiga erindi við áhugamenn um bókmenntir, þó að stundum fljúgi þar fyrir gestapennar eða leirskáld. Krá!

[Arnljótur Bjarki Bergsson, 19.12.2006 kl. 06:23]

Takk mér detta í hug ýmsar hetjur íslenskar sem meira efnir er til að fræða fólk með sambærilegum upplýsingum.