Ekki alveg til fyrirmyndar

Sem betur fer virðist viðkomandi hafa sloppið vel í þessu tilviki, viðbrögðin eru samt ekki til eftirbreytni.  Þegar ekið er á gangandi vegfaranda og hann kastast yfir bílinn með þessum hætti eru því miður talsverðar líkur á alvarlegum áverkum.  Ekki síst vegna hættu á leyndum áverkum á hrygg er nauðsynlegt að flytja viðkomandi með réttum hætti, með hálskraga og öðrum stuðningi til að lágmarka hreyfingu á hrygg.  Það var þó rétt að koma vegfarandanum á slysadeild, því miður hefur sést að fólki hafi verið skutlað heim eftir viðlíka högg.

Við búum svo vel að eiga vel þjálfaða fagmenn sem eiga að sinna svona sjúkraflutningum.  Í öllum svona slysum þarf fyrst að tryggja öryggi vettvangs, því næst hringja á 112 og síðan huga nánar að hinum slasaða.  Ef hann er við meðvitund á ekki að hreyfa hann fyrr en sjúkraflutningamenn með sérþekkingu á slíku koma á vettvang.  

Nánari upplýsingar á vef Rauða Kross Íslands.

Ég mæli með því að verja nokkrum mínútum til að líta yfir þessi atriði.  Þú gætir bjargað mannslífi einn góðan veðurdag.

Ók á gangandi mann og flutti hann síðan á sjúkrahús

Athugasemdir

[Vala Stella (IP-tala skráð) 14.4.2007 kl. 09:54]

Mig langaði bara að segja að maður þarf alltaf að horfa á hinar hliðarnar á málunum líka, hver veit nema vegfarandinn hafi staðið sjálfur upp og labbað um. Jafnvel verið í sjokki og beðið um að láta skutla sér. Er þá ekki betra að gera það heldur en að reyna að halda sjokkeruðum manni hjá sér? 

 Eins finnst mér þú vera að gera lítið úr manninum sem keyrði á vegfarandann! Algjör óþarfi, það var vegfarandinn sem gekk yfir á rauðu ljósi. 

[Rúna Vala, 14.4.2007 kl. 13:03]

Maðurinn kastaðist á vélarhúddið, gerði gat á framrúðuna (sem er ekki létt, get ég sagt þér) og kom niður hinum megin við bílinn. Telurðu  líklegt að hann hafi staðið upp að sjálfsdáðum eftir það? Hitt er annað mál að við  minniháttar ákeyrslur er líklegt að sá slasaði hafi beðið viðkomandi að keyra sig heim. Ég veit um eitt dæmi þar sem ekið var á gmal konu (ömmu vinkonu mína) eða hún datt í hálkunni fyrir framan bílinn, allavega, hún brotnaði á báðum höndum og bílstjórinn kom henni fyrir á bletti þar sem var ekkert svell og ók í burtu!

[Sigga S (IP-tala skráð) 14.4.2007 kl. 13:16]

  Alveg "typísk" frónverjaviðbrögð!  Að aka með þann slasaða á slysó.  "Redda þessu"-hugsunarhátturinn.  Lögreglan? Sjúkrabíll?  Aukaatriði!!  Allir að verða "of seinir" hvort eð er, og ekkert mál að redda þessu.  Tala ekki um ef sá slasaði hafði orð á því sjálfur.

[camilla (IP-tala skráð) 14.4.2007 kl. 21:12]

  Ég veit dæmi þess að maður stóð upp og gekk um eftir slys, en reyndist hálsbrotinn við athugun. Rétt er að láta alltaf sjúkraflutningamenn sjá um þessi mál. Alls ekki verið að gera lítið úr bílstjóranum, vissi ekki betur og var örugglega í sjokki sjálfur. En brotið hjá fyrrgreinda  manni hefði getað færst til og valdið mænuskaða við hreyfinguna.